التخطي إلى المحتوى الرئيسي

التقديم للكليه الحربيه /كليه الشرطه ،اهم الاسئله الشائعه عن معهد معاونى الامن واجابتها.

السلام عليكم ورحمه الله وبركاته
(صلى على رسول الله)
اهم الاسئله الشائعه عن معهد معاونى الامن 
هل المعهد ليه مصاريف ؟
لا يفندم المعهد مجانى 100% مبتدفعش غير 100جنيه ثمن الملف الى بتشتريه ، بخلاف انك بتاخد مكافئه شهريه طول فتره الدراسه .
اى الممنوعات خلال فتره الدراسه ؟
 التدخين ، الموبايلات ، الماكولات والمشاريب الخارجيه المعهد فيه ميز بيوفرلك كل حاجه وكانتين كمان ، الالات الحاده ، الادويه والمكملات الغذائيه المعهد موجود فيه عياده بتقوم بالازم فى حاله انك تعبت فى اى وقت واذا تطلب الامر بينزلوك اجازه مرضيه ، المبالغ الضخمه خد معاك فلوس الى تكفيك وبس .
نظام الدراسه والاجازات ؟
 اول 90 يوم فى المعهد بدون اجازات ومسوح بعد اول 45يوم اهلك يروحو يزوروك هناك .بعد اول 90يوم بتنزل اجازه 10 ايام وبتبتدى تروح 12 يوم وتنزل اجازه 3 ايام طول فتره الدراسه ، بخلاف ان فى نهايه كل تيرم بتنزل اجازه اسبوعين وكمان بتاخد اجازات الاعياد .
مرتبات المعاون كام ؟
 جزئيه المرتبات بتختلف على حسب كل قطاع ، وكل قطاع له نظام تشغيل معين واجازات ورواتب معينه بتختلف عن القطاعات التانيه + المرتبات محترمه جدا لان بإختصار مينفعش يديك مرتب قليل يخليك تتجه لاعمال غير شرعيه والرشاوى .
هل بعد التخرج بلاقى شغل ؟؟
حضرتك معنى انك اتقبلت فى المعهد انت كده بقيت مسجل فى الوزاره خلاص وبتستلم شغلك من تانى يوم بعد التخرج مباشره.
القطاعات والزى الرسمى للمعاون ؟
المعاون بيشتغل في كل قطاعات وزاره الداخليه بلا استثناء .
الزى الرسمى هو نفس زى ضباط وافراد الشرطه باختلاف الكتافه .

تعليقات

إرسال تعليق

المشاركات الشائعة من هذه المدونة

شرح ونصائح هامه لكشف الهيئه بمعهد معاونى الامن/ تفاصيل التفاصيل.

السلام عليكم ورحمه الله وبركاته. كشف الهيئة (لجنه الاختيار) لو عاوز تجتاز الكشف ده بكل سهوله اسمع النصايح دى واعمل بيها لوجه الله . الكشف ده من اهم الاختبارات الى هتمر بيها لانه تحديد المصير . كشف الهيئه بمعهد معاونى الامن مبيطلبش منك لبس معين للاختبار ولكن يستحسن أن تلتزم بالبس الأساسى وهو : قميص ابيض ساده ،بنطلون بدله اسود ساده ، حزام جلد اسود ساده ، جزمه جلد كلاسيك اسود ساده . وتروح لترزى يظبطهملك على مقاسك وتكويهم كويس وتحطهم فى شنطه وتاخدهم معاك ومتلبسهمش غير هناك ومتقلقش فى وقت واماكن لللبس . لازم فى اليوم ده تكون نايم كويس جدا عشان تكون فايق ومركز . الى بيتم فى اليوم ده كالاتى 👇 حضرتك بتروح فى اليوم والمعاد المحدد ليك ولازم تلتزم بالمواعيد ومبتغيبش . هتدخل المعهد تسلم بطاقتك للضابط وتستنى تسمع اسمك وتدخل فى الطابور مع زمايلك بعد كده الضابط هياخدكم على المبنى الى فيه لجنه الهيئه . هتروح تقعد فى قاعه تلبس هدومك وتستعد كويس والضابط هيديكم التعليمات وهيعرفك تعمل اى وتدخل منين وتخرج منين . بعد كده بتتقسم مجموعات كل مجموعه 10طلاب والضاب...
إرسال تعليق
قراءة المزيد

الكشف الطبى بمعهد معاونى الامن وكيفيه الاستعداد له /تفاصيل التفاصيل.

السلام عليكم ورحمه الله وبركاته. اذاى تستعد للكشف الطبى ؟ اولا نظافتك الشخصيه مهمه جدا . تخفف شعرك ، تحلق دقنك ،تحلق شعر الابط والعانه. لو تعرف تروح تغسل ودنك واسنانك عند دكتور روح لو مش عاوز مش مشكله المهم تهتم بنظافه جسمك كله من اول شعر راسك لحد صابع رجلك الصغير . »اى هى الحجات الى ممكن تسقطك فى الكشف الطبى ؟ العمليات الجراحيه ، العمليات الى فى العظام والتقوس المبالغ فيه ، ضعف النظر ، العاهات المستديمه، البواسير ، الامراض الجلديه ، مشاكل وامراض القلب ، الاسنان المخلوعه او المكسوره لو بتضر بطريقة نطقك ، اللته . لازم تشوف اى حاجه من الحجات دى لو موجوده فيك وتعرف تعالجها عالجها قبل الكشف . »اى الى بيحصل في اليوم ده ؟ حضرتك بتروح فى ميعادك ومعاك كارت التردد و3صور بطاقه والبطاقه و4صور شخصيه 4فى 6خلفيه بيضه . بتدخل المعهد بتقف مع زمايلك بيجى واحد يقسمكو مجموعات كل مجموعة 20واحد لازم تحفظ رقم مجموعتك وبياخدكم جوه بتقلع هدومك وتفضل بالشورت بس وتبتدى رحله الكشف الطبى تابع معايه كل عياده بالتفصيل 👇 »الاشعه ودى سهله جدا بتخش تحط صدرك على الجهاز بيصور اشاعه على صدرك وبتخ...
إرسال تعليق
قراءة المزيد

تسليم الملف والاوراق المطلوبه وكتابه البيانات وكل مايخص التقديم فى معهد معاونى الامن /الشرطه المصريه /تفاصيل التفاصيل.

السلام عليكم ورحمه الله وبركاته. هنتكلم بالتفصيل عن تسليم الملف والاوراق المطلوبه وكيفبه استخراجها . فى البدايه ركز معايا جدا عشان فى ناس كتير بترجع اكتر من مره واتنين وثلاثه وملفاتهم بتترمى فى وشهم بسبب الاوراق الى مش كامله والغلطات الى بتكون فى الملف  . اولا» كتابه البيانات . بيكون معاك ملف كبير وكراستين تحريات صغيرين . هتاخدهم وتطلع على المكتبه تصورهم من الجلده للجلده نسختين او ثلاثه . هتركن الاصلى وتستخدم الى انت مصورهم . هتمسك الملف الكبير اقرئه بالتفصيل وافهم كل كلمه واول الملف كله تعليمات وارشادات لملئ البيانات افهمها كويس . بعد كده هتبتدى تملا البيانات الى مطلوبه منك فى النسخ الى انت مصورها بتكون بيانات عنك وعن والدك ، والدتك،  جدك من الوالد ،جدتك من الوالد، جدك ابو والدتك ،جدتك ام والدتك . الى ذكرتهم فوق دول بتكون بيانات شخصيه دقيقه يعنى الاسم والرقم القومى والعنوان بالتفصيل والعناوين القديمه لاى حد منهم كان ساكن فى مكان وغير مكان سكنه ووظيفته ولو متجوز زواجات تانيه بيطلب منك بيانات الازواج دى . طيب لو فى اى حاجه من البيانات دى وقفت عليا اعمل ا...
إرسال تعليق
قراءة المزيد

اختبار الاتزان النفسى بمعهد معاونى الامن /تفاصيل التفاصيل

السلام عليكم ورحمه الله وبركاته (كشف الاتزان النفسى) ايه الى بيحصل في الاختبار ده واى هى طبيعه الاختبار !! حضرتك بتروح فى اليوم والميعاد المحدد ليك ومعاك صور البطاقه وصور شخصيه 4فى6 والبطاقه وكارت التردد كالعاده . بيتنده الاسامى ولما بتسمع اسمك بتروح تسلم بطاقتك والصور الى بتطلب منك وعود نفسك طول ما انت فى الاختبارات محفظتك متخلاش من الصور الشخصيه وصور البطاقه والبطاقه وكارت التردد وفلوس احتياطى لاى ظروف .. بتتقسم مجموعات كل مجموعه 20 واحد وبتعرف رقم لجنتك وبتدخل اللجنه وبيتوزع عليكم ورق الامتحان وبتبدى تحل . ما هو نوع الاسئله الى فى الامتحان ؟ الاسئله سهله جدا واجابتها لازم تجاوب عليها بنفسك لان بتكون اسئله شخصيه عن شخصيتك انت مش شخصيه الى جنبك . الى فى الصور ده اختبار الاتزان النفسى بتاع الدفعه الرابعه 2019 .  ممكن يختلف وممكن يكن يجى هوا هوا مش مشكله المهم انك تعرف الامتحان فى سياق اى وطريقه الاجابه عليه اهم حاجه التركيز وعدم التوتر . مده الامتحان ساعه بعد كده الورق بيتلم ويروح يتصحح ويتراجع والدكتور الى بيصحح بيطلع بعض الاوراق وينده على اصحابها يسالهم شو...
إرسال تعليق
قراءة المزيد

الاختبار الرياضى والاستعداد له وكل مايخص هذا الاختبار بمعهد معاونى الامن /تفاصيل التفاصيل .

السلام عليكم ورحمه الله وبركاته (الاختبار الرياضى) اذاى تجهز نفسك للاختبار وتستعد كويس ! لازم تعود نفسك على النوم بليل وتصحى الصبح عشان طبيعه جسمك البيلوجيه . انزل كل يوم الصبح اجرى مسافه لاتقل عن كيلو . روح جيم العب ضغط وعقله وبطن باوزان . ابعد عن التدخين نهائى . اعمل سيرش على اليوتيوب عن الجرى الزجزاجى ودرب نفسك عليه . جهز ترنج رياضى وكوتش رياضى او استارز . الى بيتم فى اليوم ده كالاتى 👇 حضرتك بتروح فى ميعادك بدرى وتكون نايم كويس جدا تفطر فطار خفيف قبل متروح متقلش فى الاكل . هتروح بدرى هتتقسمو مجموعات لازم تعرف مجموعتك ورقمك فى المجوعه . اول حاجه الضغط مطلوب منك تجيب 40ضغطه فى 45دقيقه والنجاح من 20عده حط هدف قدامك دايما انك تجيب الدرجه النهائيه ولو تعرف تجيب اكتر من العدد المطلوب هيتسجلك العدد الزياده وهيتكتبلك انك متميز . هتخلص الضغط وتستنى دورك فى البطن مطلوب منك 40فى 45ثانيه اضغط على نفسك وهاتهم وهات بزياده كمان وهيتسجلك والنجاح من 20 . هتستنى دورك فى العقله مطلوب منك 20عده والنجاح من 10 نفس الكلام ركز على النتيجه النهائيه واضغط على نفسك . فى كل التمارين الى هتمر بيها ...
إرسال تعليق
قراءة المزيد

(الطبى المتقدم) بمعهد معاونى الامن /تفاصيل التفاصيل.

السلام عليكم ورحمه الله وبركاته. (الطبى المتقدم ) هو عباره عن مجموعه من العيادات للكشف على الطلاب للمره الثانيه بواسطه اجهزه متقدمه بالاضافة الى تحاليل الدم والبول للكشف عن العقاقير المخدره وامراض الدم والامراض المزمنه . تابع معايا كل عياده على حده 👇 (السمعيات ) حضرتك بتقعد على كرسى ضهرك بيكون للدكتور و بتلبس سماعه ويبتدى الدكتور يشغل جانب واحد من السماعه وانت مطلوب منك تحدد الجانب ده يمين ولا شمال عن طريق رفع ايدك يمين او شمال ، الصوت الى بتسمعه بيكون صفير بسيط جدا لدرجه انك هتحتار هو فى ودنك الشمال ولا يمين ، ركز كويس . (رسم المخ) حضرتك بتنام على السرير الطبى والدكتور بيحط جل على راسك ويعملك رسم مخ على الجهاز، الموضوع بسيط جدا مبياخدش دقيقه وتقوم . (الباطنه) حضرتك بتنام ع السرير الطبى والدكتور بيحط جل على منطقه البطن ويعمل سونار على الكليتين واجهزه البطن المختلفه ، وبتقوم . (رسم القلب) حضرتك بتنام على السرير الطبى والدكتور بيحط جل على منطقه القلب ويعمل سونار على قلبك ويقيم وظائف القلب بكل بساطه وبتقوم ،كل العيادات دى سريعه جدا مبتكملش دقيقه تحت ايد الدكتور . (التحاليل) ب...
تعليق واحد
قراءة المزيد

معهد معاونى الامن (اختبار القوام) بالتفصيل. 2020

السلام عليكم ورحمه الله وبركاته. (اختبار القوام ) الى بيحصل فى اليوم ده كالآتي ، حضرتك بتروح المعهد الى سحبت منه الملف فى اليوم الى اتحددلك بتكون حالق شعرك نمره1 وحالق دقنك وشعر الابط والعانه بتكون هناك 7صباحا وتاخد معاك البطاقه وكارت التردد وتصور البطاقه 10صور وتخليهم فى محفظتك عشان هيطلبومنك فى كل اختبار صوره بطاقه او اتنين ويكون معاك 12صوره شخصيه حجم4فى 6 خلفيه بيضه عشان برضوا هيطلبو منك فى كل اختبار صوره او اتنين  بتقف فى طابور قدام بوابه المعهد مع زمايلك وبتتفتش على البوابه والظابط بيشوف بطاقتك وكارت التردد وبعدين بتدخلو جوا تقفوا طوابير والضابط بياخد منكم البطايق ويقسمكم مجموعات كل مجموعة 20 واحد وكل مجموعه بيكون ليها رقم بعد كده اول مجموعه بتدخل اللجنه وهكذا لحد ميجى دور مجموعتك هتقلع هدومك وتفضل بالبوكسر يكون واسع او شورت ابيض وبتقفو طابور قدام اللجنه وبتدخلو بالترتيب هيتنده على كل واحد باسمه . اول متسمع اسمك تدخل للدكتور هيقيس عرض صدرك بالدوران مع ضهرك بالمتر الى معاه بعد كده بتقف ع الميزان يقيس وزنك وبعد كده  بتقف جنب مسطره طويله بيقيس بيها طولك . بعد كده...
إرسال تعليق
قراءة المزيد

معهد معاونى الامن عصب الشرطه المصريه 2020 💪👮

معهد معاونى الامن _عصب الشرطه المصريه . بسم الله الرحمن الرحيم  يعنى اى معاون شرطه !! هو بديل مستحدث ومتطور لامين الشرطه بيتم تدريبه وفقا لاحدث نظم التدريبات الشرطيه الاوروبيه المتطوره . كتير مننا كان قاعد فى حاله شاف اعلان على التليفزيون او بوست على الفيس بيتكلم عن معهد معاونى الامن . ب إختصار ياساده المعهد ده معهد شرطى مصرى بيفتح كل سنه باب التقديم  للالتحاق وبيقبل ذكور واناث بشروط معينه لازم تكون متوفرة فى المتقدم ، وابرز الشروط دى واهمها: ان يكون الطالب مصرى الجنسيه ومن والدين مصرين عن غير طريق التجنس . ان يكون حسن السيره والسمعه . الا يكون قد سبق الحكم عليه فى قضايا مخله بالشرف والامانه تقيض حريته ولم يرد اعتباره . _ ان يكون الطالب/ه حاصل على الشهاده الاعداديه كحد ادنى . _وان يكون سن المتقدم من 19 ل25سنه لا يزيد ولا يقل عن كده . الطول للذكور 170سم كحد ادنى والاناث160سم _عرض صدر الذكور لازم ميقلش عن 85 سم وهنا المقصود بعرض الصدر الدوران مع الظهر عشان محدش يتخض . _ان لا يكون المتقدم متزوج او سبق له الزواج ويتعهد الطالب بعدم الزواج طيلة فترة الدراسه في المع...
إرسال تعليق
قراءة المزيد

كشف القدرات بمعهد معاونى الامن /تفاصيل التفاصيل .2020

السلام عليكم ورحمه والله وبركاته . (اختبار القدرات)  اى طبيعه الاختبار ! هو اختبار ببقيس قدرات الطالب المعرفية والثقافية عن طريق امتحان بتحله . حضرتك بتروح فى ميعادك بتسمع اسمك ولجنتك ورقم جلوسك وبتطلع اللجنه بتستلم ورقتك ويكون معاك قلم جاف وقلم ذياده وقلم رصاص . وزمن الامتحان ساعه . الامتحان عباره عن اختياري وصح وغلط ومسائل رياضيه وترجمه كلمات من الانجليزى للعربى وموضوع تعبير 6سطور .  الامتحان سهل جدا بمعنى الكلمه متقلقش من حاجه . كله فى مستوى الطالب المتوسط . نصايحى حسن خطك وموضوع التعبير خليه 6سطور ولا يزيد ولايقل ذى ماهيطلب منك . وده نموزج امتحان القدرات بتاع الدفعه الرابعه ذاكرو كويس وخد فكره واتوكل على الله ومتقلقش .👇    بتخلص امتحانات وبتتكل على الله وبتستنى مكالمه من المعهد على الرقم الى انت كاتبه فى الملف لو انت ناجح هيقولك تعالى عندك كشف هيئه يوم كذا . يارب اكون قدرت افيدكم ،محتاج دعوه من قلبكم ،  انتظرو شرح كامل ومفصل باهم اختبار وتحديد المصير (كشف الهيئه )
إرسال تعليق
قراءة المزيد