السلام عليكم ورحمه الله وبركاته
(كشف الاتزان النفسى)
ايه الى بيحصل في الاختبار ده واى هى طبيعه الاختبار !!
حضرتك بتروح فى اليوم والميعاد المحدد ليك ومعاك صور البطاقه وصور شخصيه 4فى6 والبطاقه وكارت التردد كالعاده .
بيتنده الاسامى ولما بتسمع اسمك بتروح تسلم بطاقتك والصور الى بتطلب منك وعود نفسك طول ما انت فى الاختبارات محفظتك متخلاش من الصور الشخصيه وصور البطاقه والبطاقه وكارت التردد وفلوس احتياطى لاى ظروف ..
بتتقسم مجموعات كل مجموعه 20 واحد وبتعرف رقم لجنتك وبتدخل اللجنه وبيتوزع عليكم ورق الامتحان وبتبدى تحل .
ما هو نوع الاسئله الى فى الامتحان ؟
الاسئله سهله جدا واجابتها لازم تجاوب عليها بنفسك لان بتكون اسئله شخصيه عن شخصيتك انت مش شخصيه الى جنبك .
الى فى الصور ده اختبار الاتزان النفسى بتاع الدفعه الرابعه 2019 .
ممكن يختلف وممكن يكن يجى هوا هوا مش مشكله المهم انك تعرف الامتحان فى سياق اى وطريقه الاجابه عليه اهم حاجه التركيز وعدم التوتر .
مده الامتحان ساعه بعد كده الورق بيتلم ويروح يتصحح ويتراجع والدكتور الى بيصحح بيطلع بعض الاوراق وينده على اصحابها يسالهم شويه اساله نفسيه مش كله بيتنده عليه البعض بس .
متقلقش من حاجه واتوكل على الله
بعد كده بتطلع بره تستنى سماع النتيجه وبعدين الضابط بيخرج ينده على الساقطين ويروحو والناجحين يديلهم الميعاد الى بعد كده والتعليمات وبيروحو .
ملحوظه لازم تعرف انك فى منافسه شريفه مع زمايلك من اول اختبار لحد اخر اختبار متركزش على النجاح فقط ركز على النجاح ب الدرجه النهائيه فى كل اختبار وهتعرف لى بعدين تابعنى وانا هتكلم عن كل الاختبارات بالتفصيل والنتيجه النهائيه والدخول ومابعد الدخول والتخرج والشغل ....
بعد اختبار الاتزان النفسى لو انت ان شاء الله ناجح بتاخد ميعاد لتسليم الملف والاوراق المطلوبه منك .
انتظرو مقال تسليم الملف والاوراق المطلوبه وكيفيه استخرجها والى بيحصل في اليوم ده بالتفصيل .
تابعونى ..
تعليقات
إرسال تعليق