السلام عليكم ورحمه الله وبركاته.
(الطبى المتقدم )
هو عباره عن مجموعه من العيادات للكشف على الطلاب للمره الثانيه بواسطه اجهزه متقدمه بالاضافة الى تحاليل الدم والبول للكشف عن العقاقير المخدره وامراض الدم والامراض المزمنه .
تابع معايا كل عياده على حده 👇
(السمعيات )
حضرتك بتقعد على كرسى ضهرك بيكون للدكتور و بتلبس سماعه ويبتدى الدكتور يشغل جانب واحد من السماعه وانت مطلوب منك تحدد الجانب ده يمين ولا شمال عن طريق رفع ايدك يمين او شمال ، الصوت الى بتسمعه بيكون صفير بسيط جدا لدرجه انك هتحتار هو فى ودنك الشمال ولا يمين ، ركز كويس .
(رسم المخ)
حضرتك بتنام على السرير الطبى والدكتور بيحط جل على راسك ويعملك رسم مخ على الجهاز، الموضوع بسيط جدا مبياخدش دقيقه وتقوم .
(الباطنه)
حضرتك بتنام ع السرير الطبى والدكتور بيحط جل على منطقه البطن ويعمل سونار على الكليتين واجهزه البطن المختلفه ، وبتقوم .
(رسم القلب)
حضرتك بتنام على السرير الطبى والدكتور بيحط جل على منطقه القلب ويعمل سونار على قلبك ويقيم وظائف القلب بكل بساطه وبتقوم ،كل العيادات دى سريعه جدا مبتكملش دقيقه تحت ايد الدكتور .
(التحاليل)
بتستلم كوبايه بلاستك مكتوب عليها اسمك بتدخل الحمام تملاها عينه بول وتخرج تسلمها للدكتور وبتروح لدكتور تانى بياخد منك عينه دم عن طريق حقنه 5سم بيسحبها من الوريد .
وكده يبقا خلصت كل العيادات بتخرج بره تلبس هدومك .
وبتروح وبتستنى مكالمه من المعهد بيقولك فيها (مبروك قبولك فى المعهد تعالا يوم كذا انت ووالدك عشان تمضى الاقرارات وتستلم المهمات )
بالتوفيق للجميع ، محتاج دعوه من قلبكم ، الى عنده اى استفسار يسيبه فى التعليقات وانا هرد عليك .
(انتظرو شرح مفصل عن النتيجه النهائيه والتحريات )
لو سمحت هو التقديم امتي عشان قرات اكتر من حاجة واتلخبطت
ردحذف