اماكن معاهد معاونى الامن .
»الاداره العامه لمعاهد معاونى الامن بطره البلد.
»معهد معاونى الامن بالقاهره شارع جسر السويس بوابه رقم 1للذكور ،بوابه رقم 2للاناث .
»معهد معاونى الامن بوادى النطرون.
»معهد تاهيل الافراد بسوهاج .
السلام عليكم ورحمه الله وبركاته
عند صدور الاعلان بوزاره الداخليه عن قبول دفعه جديده بمعهد معاونى الامن بيتوجه الطالب الى المعهد بالبطاقه الشخصيه وصوره منها ومبلغ 100جنيه ثمن الملف.
الى بيتم فى اليوم ده كالاتى ،
حضرتك بتختار المعهد الاقرب ليك وبتروح عليه تكون هناك من الساعه 7صباحا عشان تخلص وتمشى بدرى بتقف مع زمايلك فى طابور قدام بوابه المعهد وبيبتدى دخولكم المعهد بنظام واحد ورا التانى تكون مجهز بطاقتك فى ايدك عشان الضابط هيطلبها منك على البوابه وهيفتشك وده اجراء امنى لابد منه وممنوع دخول التليفونات يعنى روح من غيرو او هتلاقى هناك ناس واقفه بره بياخدو التليفونات وبيكتبو اسمك وانت خارج بتروح تديلو 5جنيه وبطاقتك وبيديلك التليفون.
بعد كده بتدخل المعهد الضابط هيوقفكو طوابير وهياخدكو عند المكان الى بيتم فيه صرف الملفات تجهز البطاقه وصوره البطاقه و100جنيه ودوسيه اوراق فاضى فى ايدك لحد ميجى دورك بتسلم الحجات دى للظابط وبتاخد ملف و2اورنيك تحريات وكارت تردد تحطهم ف الدوسيه والضابط هيقولك ع الميعاد الى هتيجى فيه تانى عشان تدخل اول اختبار وهو اختبار القوام وهيديك بطاقتك وهتروح .
انتظرو شرح كشف القوام بالتفصيل .
تعليقات
إرسال تعليق